ՔՊ-ական Մինասյան Լիլոն եթերներից մեկում պահանջել է կոնկրետացնել մեղադրանքներն այն մասին, որ իրենք պայքարում են ազգային արժեքների ու ազգայինի դեմ: Նա պահանջել է գոնե մեկ թիրախ նշել՝ պնդելով, թե իրենց հասցեին հնչող մեղադրանքները սին են:

Փաստորեն՝ Լիլոյի համար Արցախն ու Սև Լիճը ոչ մի կապ չունեն ազգայինի հետ, իսկ եկեղեցին հալածելը, որ սկիզբ առավ Շվեյցարիայում Արցախի մասին Կաթողիկոսի ելույթից հետո, բնական մի բան է: Հետաքրքիր է՝ Լիլոն իր տիրուհու կրթարշավի բովանդակությանը տեղյա՞կ է կամ Նիկոլի դասախոսություններից որևիցե մեկը լսե՞լ է, օրինակ ՝գիտի՞, որ Նիկոլի ընտանիքում «Արևմտյան Հայաստան» կամ «Արցախ» եզրույթները չեն ողջունում՝ նախընտրելով դրանց փոխարեն կիրառել «Արևելյան Անատոլիա» կամ «Լեռնային Ղարաբաղ» թրքահաճո եզրերը: Թվարկել կարելի է երկար, բայց դրա փոխարեն պետք է ընդամենը մի օբյեկտիվ հայացք գցել Նիկոլի կառավարման 7 տարվա վրա՝ հատիկ առ հատիկ արձանագրելու նրա հակահայկական գործունեության դրվագները:

Լիլոն դրանք արձանագրել չի ուզում, քանի որ կարծում է, թե իրեն լսողները չորքոտանի, հիշողություն ու լոգիկա չունեցող ինչ-որ արարածներ են, որոնք չեն հասկանում՝ Նիկոլն ինչ է անում ու որն է այն գինը, որ վճարում են ՔՊ-ակաները՝ իշխանության մնալու:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել