ՔՊ-ական Պապոյան Գևորը, մեկնաբանելով ՀԷՑ-ի շուրջ ստեղծված իրավիճակը, հայտարարել է, թե մասնավորից բիզնես խլելու մասին չի կարող խոսք լինել, քանի որ տեղի ունենալիքը համապատասխանում է օրենսդրության տառին: «Ո՞րն է ամենակարևորը՝ պետությունը, ժողովուրդը, հանրությունը, մենք այդ կարևորության տրամաբանությամբ պետք է չարժվենք: Չենք կարող մեկ մարդու շահը գերադասենք մնացած մարդկանց շահերից: Մենք չենք կարող մեկ մարդու ասել՝ դու ինչ ուզես կարող ես անել, և, օրինակ, հազարավոր տնտեսվարողներ բիզնեսներ կորցնեն, գումարներ կորցնեն, 100 հազարավոր մարդիկ մնան առանց լույս, պետական համակարգը պարալիզացվի, որովհետև երեկ էկոնոմիկայի նախարարությունում հոսանքը կես ժամը մեկ անջատվում էր»-մասնավորապես՝ ասել է՝ Նիկոլի մոտ էկոնոմիկայի նախարար աշխատող ՔՊ-ականը:

Հետաքրքիր է՝ նո՞ր իմացան, որ հոսանքը պարբերաբար անջատվում է, գնում-գալիս է, որ խնդիրներ կան: Տարիներ ի վեր այդ խնդիրը կա, բա ինչո՞ւ այն ժամանակ նման նախանձախնդրություն չէր ցուցաբերվում, ինչո՞ւ այն ժամանակ ոչ ոք սպառողներին կամ ժողովրդին չէր հիշում: Կամ կա՞ երաշխիք, որ պետականացման դեպքում բոլոր խնդիրները շտկվելու են:

Շրջանառվում են հավաստի տեղեկություններ այն մասին, որ իրականում իշխանությունները նպատակադրվել են ՀԷՑ-ը վաճառել թուրքերին. թուրքական TEIAS ընկերությունն է դառնալու ապագայում հայկական ՀԷՑ-ի սեփականատերը: Թեման Նիկոլն Էրդողանի հետ արդեն համաձայնեցրել է, և հենց սա է կարևորագույն պատճառներից մեկը, թե ինչու է Սամվել Կարապետյանին Նիկոլն այսպես հալածում:

Այնպես որ՝ որքան էլ Պապոյան Գևորը խոսի ժողովրդի մասին, դա չի կարող քողարկել այն իրական նպատակը, որ թաքնված է այս ամբողջ պրոցեսի հետևում, այն է՝ Հայաստանի ռազմավարական օբյեկտներից մեկը թուրքերի ողորմածությանը հանձնելը՝ դրանից բխող բոլոր անվտանգային մարտահրավերներով:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել