Իշխանական կայքերից մեկում հրապարակված մի քանի էջանոց «շարադրությունը» մատին փաթաթան արած՝ Նիկոլը սկսել է ընդդիմության նկատմամբ իրականացվող ռեպրեսիաների հաջորդ՝ հուժկու փուլը: Մեկնաբանելով ՔԿ-ի համապատասխան հաղորդագրությունը՝ գրել է. «Իրավապահները կանխեցին Հայաստանի Հանրապետությունը ապակայունացնելու և իշխանությունը բռնազավթելու «քրեաօլիգարխիակղերական» խոշոր ու եղկելի պլանը»: Հիշեցնենք, որ ՔԿ-ն պնդել էր, թե իբր «Սրբազան պայքար» անվանումով շարժման մասնակիցները և ղեկավարները պլանավորել էին ՀՀ-ում իրականացնել աhաբեկչական և իշխանությունը զավթելուն ուղղված գործողություններ:

Սա, իհարկե, սկիզբն է, և առաջիկայում ականատես ենք դառնալու ընդդիմության հանդեպ շատ կոշտ գործողությունների, որոնց օգնությամբ Նիկոլը փորձելու է չեզոքացնել թուրքերի համար այն վտանգները, որոնք բխում են ընդդիմությունից: Կասկած չկա, որ այս գործողությունները Նիկոլը համաձայնեցրել է Էրդողանի հետ. թուրքերը պահանջում են ոչ միայն հալածել դիմադրության ամենակարևոր առանցքը՝ եկեղեցին, այլև «ռևանշիստներին»:

Դա անելու համար Նիկոլին շատ բան պետք չեկավ: Մի հորինածին գրվածքն էլ բավական դարձավ, որ ուժայինները գործի անցնեն: Դե հիմա գնացեք ու ապացուցեք, որ «հեղաշրջման պլանը» ասենք Դավոյան Արփոյի մտքի թռիչքի արգասիք չէ:

Նիկոլը գնում է վա բանկ, քանի որ նա այլ ելք էլ չունի. թուրքերը պահանջը հստակ են ձևակերպել:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել