«Հայաստան» դաշինքի պատգամավոր Աննա Գրիգորյանի հետ ունեցած իր հարցազրույցում Մուրազի Բորիկը հայտնել է, որ հանրայն կարծիքի ուսումնասիրություն է անցկացրել ու պարզել, որ ժողովրդի կամ հարցվածների ճնշող մեծամասնությունը չի վստահում որևէ քաղաքական ուժի կամ գործչի: Մեկնաբանելով իր իսկ արձանագրած պատկերը՝ Բորիկը կարծիք է հայտնել, որ դրա պատճառը Նիկոլի «կռուտիտներն են». չի ստացվում կոռուպցիայի ու հողային կորուստների պատասխանատվությունը դնել ՔՊ-ի վրա, քանի որ ՔՊ-ն այդ ամենի համար մեղադրում է ընդդիմությանը՝ հռչակելով և՛ կոռուպցիոներ, և՛ հող հանձնող:

Բորիկի վերլուծությունը, իհարկե, ունի կյանքի իրավունք, բայց հարց է առաջանում՝ եթե անգամ այդպես է, ապա ինչպե՞ս է Նիկոլին հաջողվում հասնել իր նպատակին:

Հաջողվում է, քանի որ Բորիկի տերերը պառակտում են ընդդիմադիր դաշտը՝ ընդդեմ ՀՀԿ-ի ու Սերժ Սարգսյանի քարոզչություն տանելով՝ Նիկոլին թողած: Ինչպե՞ս պետք է արձագանքի հանրային կարծիքը դրան, ծափահարի՞: Բնականբար, հիասթափվելու են ընդդիմությունից ու հարեն այդ ամենի վրա ծիծաղող ու «ձեռքեր տաքացնող» ՔՊ-ին: Եթե իսկապես Բորիկի փորը սալապատած ընդդիադիր ուժը խնդիր ունի՝ Նիկոլին հեռացնելու, վնասելու, նրա հանրային վարկանիշն իջեցնելու, ապա պետք է ոչ թե ընդդիմության մյուս թևին թիրախավորեին՝ ստանալով համապատասխան հակահարված, այլ չշեղվեին Նիկոլին փաստարկված կերպով փնովելու գործից: Միայն իմպիչմենտի գործընթացին «Հայաստան» դաշինքի արձագանքը բավական է, որ հասարակությունը հետևություններ անի:

Բայց ընդդիմությանն ամենաշատը վնասում է հենց Բորիկը, որ ընդդիմադիրների հասցեին լուտանք թափելով է առավոտից երեկո զբաղվում՝ իրեն այդքան հարազատ Գռզոյի «ջրաղացին ջուր լցնելով»:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել