«Լամա Ռուբոն» եվրոպացիների առջև ունեցած իր ելույթում կեղծել է իրականությունն ու հայտարարել, թե երեք տասնամյակների անվտանգության ճարտարապետության հետևանքով է, որ ունեցանք էթնիկ զտում՝ Լեռնային Ղարաբաղում և Ադրբեջանի կողմից օկուպացված ՀՀ տարածքներ:
Այսպիսով՝ Ռուբինյան Ռուբիկը, որ հանրահռչակվել է թուրք Քըլըչի հետ երկար-բարակ գյալաջի անելու յուր մոլուցքով, իրականությունն արմատապես է խեղաթյուրել. այն կորուստները, որոնց ականատես դարձանք վերջին տարիներին, Ռուբիկի մատնանշած անվտանգային համակարգի խաթարման հետևանք էր, որ տեղի ունեցավ Նիկոլի մեղքով՝ ճիշտ այն օրվանից, երբ հետախուզում հայտարարվեց ասենք ՀԱՊԿ գլխավոր քարռուղար Խաչատուրովի հանդեպ: Հիշում եք, չէ՞, որ Նիկոլի առաջին քայլերից մեկն էր դա, որը մեծ աղմուկ բարձրացրեց՝ օգնելով Ադրբեջանի բարեկամ Զասին արագ փոխարինել Հայաստանի ներկայացուցչին:
Հիմա ո՞ւմ ի՞նչ է ուզում Ռուբիկն ապացուցել, պարզ չէ: Երևի կարծում է, որ նման տխմար հայտարարություններով հաճոյանում է եվրոպացիներին ու երևի կարծում է, որ այդ ճանապարհով կարող է Հայաստանը Եվրոպա դաձնել: Չի հասկանում, որ ընդամենը նույն եվրպացիների ծիծաղն է առաջացնում՝ դառնալով ծաղրի առարկա, քանի որ եվրոպացիների նպատակը ոչ թե Հայաստանը Եվրոպա դաձնելն է, այլ՝ երկրորդ Ուկրաինա, որի վերաբերյալ նախազգուշացրեց, ի դեպ, Լավրովը՝ ակնարկելով, որ չեն նստելու ու հանգիստ նայեն, թե ինչպես է Նիկոլը գնում Զելենսկիի ճանապարհով:

Ռուբիկը ոչ մի Եվրոպա էլ չի ուզում. նա Քըլըչի մեծ հայրենիքի մասին է երազում՝ ցանկանալով տեսնել ծաղկուն, մինչև Չինաստան ու Ալթայ ձգվող Թուրքիա:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել