Տեղեկություններ են շրջանառվում այն մասին, որ Հայաստանի իշխանություններն այս պահին քննարկում են Ադրբեջանի հետ խաղաղության պայմանագրի համաձայնեցված տեքստը միակողմանիորեն ստորագրելու հնարավորությունը. ուզում են միջազգային գործընկերների մոտ հերքել Ադրբեջանի այն կեղծ պնդումները, թե ՀՀ բանակը իբր կրակում է սահմանին։
Ինչպես հայտնի է, վերջին օրերին ադրբեջանական կողմը փատացի տեղեկատվական տեռորի է դիմում՝ պարբերաբար տարածելով ստեր այն մասին, թե իբր հայկական կողմը կրակում է սահմանին: Սա ակնհայտ սադրանք է, որի նպատակը հնարավոր ագրեսիայի դեպքում հայկական կողմի վրա մեղքը բարդելն է: Թե որքանով են վերոհիշյալ տեղեկությունները համապատասխանում իրականությանը, որքանով՝ ոչ, պարզ կդառա, բայց եթե իսկապես նման հարց է քննարկվում, ապա դա խայտառակություն է. ուզում են կրկնել Պրահայում բեմադրած թատրոնը, երբ Նիկոլը միակողմանիորեն ստորագրել էր չարաբաստիկ թուղթը, իսկ Իլհամը՝ ոչ:
Փաստորեն՝ մինչ ադրբեջանական կողմը պնդում է, որ ոչ մի բան չի ստորագրելու, քանի դեռ ՀՀ Սահմանադրությունը չի փոխվել, Նիկոլը կարող է գնալ հերթական արկածախնդրության ժողովրդի մեջքի հետևում՝ ստորագրելով մի բան, որը տուալետի թղթի արժեք է Իլհամի համար ունենալու: Արդյունքում Հայաստանը ստանալու է և՛ պատերազմ, և՛ խայտառակություն:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել