Ռուսաստանի նախկին նախագահ Դմիտրի Մեդվեդևը «Международная жизнь» ամսագրում հոդված է հրապարակել, որում, Չինաստանի և Թայվանի օրինակով դատողություններ է արել «բաժանիր և տիրիր» քաղաքականության մասին, որը հավաքական Արևմուտքը, նրա գնահատմամբ, ներկա պահին իրականացնում է Ուկրաինայի նկատմամբ։
Հոդվածի վերջում Մեդվեդևը եզրակացնում է, որ «Ուկրաինան այսօր կանգնած է ընտրության առաջ՝ լինել Ռուսաստանի հե՞տ, թե՞ ընդհանրապես անհետանալ աշխարհի քարտեզից», հաղորդում է «Интерфакс»-ը:
«Նրանք պետք է հրաժարվեն համառուսաստանյան նախագծին հակադրվելուց և քշեն քաղաքական ուկրաինականության դևերին։ Հասարակության գիտակցության մեջ ամրապնդեն, որ Ռուսաստանն անփոխարինելի է Ուկրաինայի համար թե մշակութային, թե լեզվական, թե քաղաքական առումներով։ Եթե, այսպես կոչված, Ուկրաինան շարունակի ռուսատյացության ագրեսիվ կուրսը, ապա այն ընդմիշտ կվերանա աշխարհի քարտեզից»,- գրել է Մեդվեդևը։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
