Ռիո դե Ժանեյրոյում G20-ի գագաթնաժողովի շրջանակում Մակրոնն ասել է, որ Բայդենի վարչակազմի որոշումը պայմանավորված է Ուկրաինայում հյուսիսկորեացի զինվորների ներգրավմամբ՝ հավելելով, որ դա Ռուսաստանի «էսկալացիոն» որոշում է:
«Դա միանգամայն լավ որոշում է, ես հասկանում եմ, որ դրա պատճառ է դարձել նաև այս հակամարտության խորը փոփոխությունը, որը չպետք է թերագնահատվի: Խոսքը եվրոպական հողում ՌԴ-ի կողմից Հյուսիսային Կորեայի զորքերի ներգրավման մասին է», - bfmtv.com-ի փոխանցմամբ՝ ասել է նա լրագրողներին:
Ֆրանսիայի նախագահն ընդգծել է, որ «միակ տերությունը, որն այսօր սրում է այս հակամարտությունը, Ռուսաստանն է՝ իր կողմից ներգրավելով Հյուսիսային Կորեային»
«Հյուսիսային Կորեան, ինչպես գիտենք, շատ ագրեսիվ տերություն է, որը զբաղվում է միջուկային ծրագրով, հեռահար հրթիռներով: Այսպիսով, սա իրոք բեկումնային կետ է այս պատերազմում, ինչն էլ հանգեցրել է ամերիկացիների այս ընտրությանը»,- պնդել է Մակրոնը:
Երեկ արևմտյան լրատվամիջոցները հայտնել են, որ ԱՄՆ-ն Ուկրաինային թույլ է տվել իր մատակարարած զենքերով հարվածել ՌԴ տարածքի խորքին, սակայն պաշտոնական Վաշինգտոնը տեղեկությունը դեռ չի հաստատել:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
