«Շրջիկ ծառայությունը նույն սովորական անձնագրային բաժինների գործառույթներն է իրականացնում` որոշ սահմանափակումներով: Մարզից մարզ են այցելում: Դեռ 3 մարզերում ենք իրականացրել: Մեկնարկել ենք Արմավիրի մարզից, հետո՝ Կոտայք ու Լոռի: Մյուս շաբաթ Շիրակի մարզում է լինելու: Աշխատում ենք ՏԻՄ-երի հետ: Պլանավորում ենք, ժամանակացույց ենք կազմում եւ տվյալ մարզի տարբեր համայնքներում ենք լինում, մի քանի օր` Լոռվա մարզում, մի քանի օր` Արմավիրի: Կոտայքի մարզում եղել ենք շուրջ 2 շաբաթ` 10 տարբեր գյուղեր ենք այցելել: Կարիքի գնահատումն անում են մարզպետի աշխատակազմերը: Ինչ վերաբերում է շրջիկ ծառայության սահմանափակումներին, ապա ասեմ, որ վերցնում ենք միայն անձնագրի դիմումներ, նույնականացման քարտի դիմումը պետք է տեղում արվի: Սոցիալական քարտ եւս չի տրամադրվում: Հիմնականում կատարվում է անձնագրի փոխանակում, եւ բռնի տեղահանված անձանցից քաղաքացիության դիմումներ ենք ընդունում, լինում են նաեւ հաշվառման դիմումներ։ Շրջիկ ծառայության իմաստը նաեւ այն է, որ խոցելի խավին, տեղաշարժի խնդիր ունեցողներին աջակցենք: Տնայցեր էլ ենք կատարում` անկողնային հիվանդներին: Մյուս դեպքերում գյուղապետարաններում, համայնքապետարաններում են կատարվում աշխատանքները: Երեւանին շրջիկ ծառայությունը չի վերաբերում: Երեւանի ամեն համայնքում կա անձնագրային բաժին»:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
