Նիկոլի ռուսաստանյան այցի իրական բովանդակության մասին յուրատեսակ պատկերացում են տվել «ՌԻԱ Նովոստի» գործակալության կողմից տարածված կադրերը, որոնցում ծաղրանքի է ենթարկվել Նիկոլը. տարածվող լուսանկարներից մեկում՝ ֆիքսված Պուտինի լուսանկարիչներից մեկի կողմից, Նիկոլն ասես խոնարհվում է Ադրբեջանի դրոշի առջև, իսկ մյուս լուսանկարում Իհամի հայացքի ներքո ադրբեջանական դրոշի առջև ուղղում է տաբատը:
Սա, իհարկե, պատահական չի արվել. Մոսկվան իր վերաբերմունքն է արտահայտել Նիկոլի հանդեպ՝ հասկացնելով, թե իրականում ում շահերն է նա տարածաշրջանում սպասարկում: Ադրբեջանական դրոշի առաջ խոնարհվելու մասին ակնարկը ոչ միայն թրոլինգի տարր է, այլև հստակ մեսիջ՝ գուցե նաև հայ հանրությանը՝ հասկացնելու, թե ի դեմս Նիկոլի ում հետ գործ ունենք իրականում:
Իհարկե, ոմանց համար գուցե կարող է նույնիսկ պատվաբեր լինել ռուսների այս ժեստը, քանի որ որոշ «արևմտամետներ», օրինակ, կարող են դա համարել ռուսների անզորությունից բխած քայլ՝ ունակ չլինելու կասեցնել ՌԴ-ից Հայաստանի աստիճանական հեռացման պրոցեսը, սակայն ակնհայտ է, որ այս կադրերը խայտառակություն են ոչ միայն Նիկոլի համար. ցավոք, այս մարդն է այսօր Հայաստանի Հանրապետության վարչապետը, միջազգային հարթակներում մեր ժողովրդի հավաքական ներկայացուցիչն ու գուցե նաև կերպարը:

Բայց Նիկոլի համար սա հեչ էլ խայտառակություն չէ. իսկակական հայրենիքի դրոշի առաջ խոնարհվելը պատիվ է ցանկացած մեկի համար:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել