«Հեզբոլլահ»-ը նոր առաջնորդ է ընտրել. նա Հասան Նասրալլահի զարմիկն է

Լիբանանյան «Հեզբոլահ» շարժում կազմակերպության նոր գլխավոր քարտուղար է ընտրել Հաշեմ Սաֆի ադ-Դինին: Այս մասին հայտնում են արաբական լրատվամիջոցները։

Ադ-Դինը 60 տարեկան է։ Նա «Հեզբոլահ»-ի համահիմնադիրներից է, եղել է գործադիր կոմիտեի ղեկավարը։ Նրան համարում են «Հեզբոլահ»-ի գործերի կառավարիչ։ Մինչ խմբի ղեկավար ընտրվելը նա զբաղվում էր խմբավորման ֆինանսական հարցերով։ Ադ-Դինը 2017 թվականից ԱՄՆ-ի կողմից հետախուզվող ահաբեկիչների ցուցակում է։

Նա «Հեզբոլահ»-ի սպանված առաջնորդ Հասան Նասրալլահի զարմիկն է մայրական կողմից և Իսլամական հեղափոխության պահապանների կորպուսի ստորաբաժանումներից մեկի նախկին հրամանատար Ղասեմ Սոլեյմանիի փեսան։

Նասրալլահը սպանվել է սեպտեմբերի 28-ին Լիբանանի մայրաքաղաք Բեյրութին Իսրայելի հասցրած մասշտաբային հարվածների հետևանքով։