ԱՄՆ նախագահի անկախ թեկնածու Ռոբերտ Քենեդի կրտսերը հինգշաբթի Արիզոնայում փաստաթղթեր է ներկայացրել նախագահական ընտրություններից իր թեկնածությունը հանելու համար, հայտարարել է Արիզոնայի պետքարտուղար Ադրիան Ֆոնտեսը, տեղեկացնում է Reuters-ը։
Քենեդին, մրցավազքում նրա մրցակից Նիկոլ Շանահանը և նախագահի 11 այլ թեկնածուներ ինքնակամ դուրս են եկել պայքարից, ասել է Ֆոնտեսը:
Հրաժարումը տեղի է ունեցել այն առիթով, որ Քենեդին պատրաստվում է ազգաբնակչությանն ուղղված դիմումով հանդես գալ ուրբաթ օրը Արիզոնայում: Reuters-ը, հղում անելով աղբյուրներին, չորեքշաբթի հայտնել է, որ Քենեդին ցանկանում է գործարք կնքել նախագահի հանրապետական թեկնածու Դոնալդ Թրամփի հետ, որով նա կաջակցի հանրապետականին՝ Թրամփի վարչակազմում աշխատելու դիմաց:
Ավելի վաղ Թրամփը CNN-ին հայտնել էր, որ ինքը «անշուշտ բաց կլինի», որ Քենեդին որոշակի դեր խաղա իր վարչակազմում, եթե անկախ թեկնածուն դուրս գա մրցապայքարից և աջակցի իրեն:
70-ամյա Քենեդին, հանգուցյալ դեմոկրատ քաղաքական գործիչ և ԱՄՆ գլխավոր դատախազ Ռոբերտ Քենեդիի որդին և հանգուցյալ նախագահ Ջոն Քենեդիի եղբորորդին, իր նախագահական արշավը սկսեց որպես դեմոկրատ՝ մարտահրավեր նետելով նախագահ Ջո Բայդենին` իր թեկնածությունն առաջադրելով:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
