Գիշերը և երեկոյան ժամերին հնարավոր է կարճատև անձրև․ ինչ եղանակ կլինի

Երևան քաղաքում՝
Oգոստոսի 1-ին և 6-ին երեկոյան ժամերին, 2-3-ին` գիշերը և երեկոյան ժամերին քաղաքի առանձին հատվածներում հնարավոր է կարճատև անձրև և ամպրոպ, 4-5-ին սպասվում է առանց տեղումների եղանակ։ Սպասվում է նաև քամու ուժգնացում՝ ամպրոպի ժամանակ՝ 18-22մ/վ, երեկոյան ժամերին՝ 14-18մ/վ արագությամբ։

Հանրապետության տարածքում`
Օգոստոսի 1-ի ցերեկը, 2-3-ին հիմնականում գիշերը և կեսօրից հետո, 4-6-ին կեսօրից հետո առանձին շրջաններում սպասվում է կարճատև անձրև և ամպրոպ։ Քամին՝ հարավարևմտյան՝ 2-5մ/վ, ամպրոպի ժամանակ սպասվում է քամու ուժգնացում` 18-23մ/վ արագությամբ: Երեկոյան ժամերին Արմավիրում, Կոտայքի և Արագածոտնի նախալեռներում սպասվում է քամու ուժգնացում՝ 14-18մ/վ արագությամբ։ Օդի ջերմաստիճանը օգոստոսի 3-5-ին աստիճանաբար կբարձրանա 4-8 աստիճանով։

Երևան քաղաքի հուլիսի 31-ի  բազմամյա կլիմայական տվյալներ
Օդի առավելագույն ջերմաստիճան      41.0°C (2011թ.)
Օդի նվազագույն ջերմաստիճան         14.1°C (1985թ.)
Օդի միջին օրական ջերմաստիճան     25.6°C