Armsport.am-ը գրում է.
Կիլիան Մբապեն դարձել է «Կանի» մեծամասնական սեփականատերը։
«Interconnected Ventures ընկերությունն ուրախ է հայտարարել իր ներդրումային մասի՝ Coalition Capital-ի միջոցով «Կանի» բաժնետոմսերի ծրագրված ձեռքբերման մասին, որոնք պատկանում են Oaktree Capital Management, L.P.-ի կողմից կառավարվող հիմնադրամներին: Այժմ կողմերը պարտավորվում են անցնել իրավասու մարմինների հետ հաստատման ընթացակարգը»,- ասվում է ակումբի կայքում։
Coalition Capital-ի սեփականատերը Մադրիդի «Ռեալի» հարձակվող Կիլիան Մբապեն է։ RMC Sport-ը պնդում է, որ բաժնետոմսերի 80%-ի համար կվճարվի մոտ 20 մլն եվրո։ Ակնկալվում է, որ նախագահը կլինի Զիադ Համուդը՝ ֆուտբոլիստի աջ ձեռքը և նրա իմիջի իրավունքները տնօրինող ընկերության գործադիր տնօրենը:
Նախորդ մրցաշրջանը «Կանը» ավարտել է Ֆրանսիայի երկրորդ դիվիզիոնի աղյուսակի 6-րդ հորիզոնականում։