![](/static/news/b/2024/07/870235.jpg)
168.am-ը գրում է․
Այսօր Հակակոռուպցիոն դատարանում՝ դատավոր Վահե Դոլմազյանի նախագահությամբ, շարունակվում է Հայաստանի հանրապետական կուսակցության (ՀՀԿ) փոխնախագահ, քաղբանտարկյալ Արմեն Աշոտյանի շինծու քրեական վարույթի քննությունը:
Նախորդ դատական նիստին նախատեսված ժամից բավականին ուշ մեկնարկեց վերջինիս խափանման միջոցի փոփոխության հարցի քննությունը:
Հանրային մեղադրողները, բնականաբար, միջնորդեցին երկարաձգել Արմեն Աշոտյանի կալանքի ժամկետը՝ կրկնելով այն, ինչ միշտ են ասում՝ կալանքի տակ պահելու հիմքերը չեն վերացել, ազատության մեջ կխոչընդոտի քննությանը:
Աշոտյանի համար երաշխավորել են ՀՀ նախկին վարչապետ Խոսրով Հարությունյանն ու ԱԺ նախկին նախագահ Տիգրան Թորոսյանը: Նաև առաջարկվել էր գրավ 40 միլիոն դրամի չափով և տնային կալանք՝ բոլոր սահմանափակումներով, համակցված խափանման միջոցները:
Լսելով կողմերին՝ դատավոր Վահե Դոլմազյանը որոշեց՝ երկարացնել Արմեն Աշոտյանի կալանքի ժամկետը ևս 3 ամսով: Ոչ մի նոր բան. կրկնեց այն, ինչ 3 ամիս առաջ: Ու կապ չունի, որ այդ տեքստը նա արտաբերում էր մեծ դժվարությամբ ու կաս-կարմիր դեմքով, մի կերպ: Դատական նիստը հետաձգվեց:
Այսօրվա դատական նիստը նույնպես սկսվեց ուշացումով և կիկին՝ նույն պատճառով. Արմեն Աշոտյանին չէին բերել դատական նիստերի դահլիճ:
Այսօրվա դատական նիստում շարունակվեց վկաների հարցաքննությունը, այսինքն՝ նորից տրվեց դրա մեկնարկը, քանի որ ոչ մի կերպ չի հաջողվում դատակոչված վկաներին դատարան բերել:
Միայն առանցքային վկայի՝ Կարեն Հակոբյանի հարցաքննությունը սկսվեց ու այդպես էլ չշարունակվեց տարբեր պատճառներով: Այսօր վերջապես Կարեն Հակոբյանի հարցաքննությունը շարունակվեց: Դատարանը թույլ չտվեց տեսաձայնագրել վկայի հարցաքննությունը: