ԱՄՆ նախկիննախագահ ԴոնալդԹրամփիդեմ մահափորձը ոչ մի ազդեցություն չի ունենա Վաշինգտոնի արտաքին քաղաքականության վրա, հայտարարել է Պետդեպարտամենտի պաշտոնական ներկայացուցիչ Մեթյու Միլլերը:

«Դա ոչ միկերպ չի ազդում մեր արտաքին քաղաքականության վրա։ Մենք որոշումներ ենք կայացնում՝ հիմնվելով մեր արժեքների և շահերի վրա որպես պետություն, մեր դաշնակիցների շահերի վրա»,- ասել է նա ճեպազրույցի ժամանակ՝ մեկնաբանելով Թրամփի դեմ մահափորձի հավանական հետևանքները։

Հիշեցնենք` հուլիսի 13-ին ԱՄՆ նախկին նախագահի դեմ մահափորձ է կատարվել Փենսիլվանիայի Բաթլեր քաղաքում նախընտրական ելույթի ժամանակ։ Քաղաքական գործիչը վնասվածք է ստացել ականջի շրջանում։

Ավելի ուշ ԱՄՆ Գաղտնի ծառայությունը հայտնել է, որ բեմի ուղղությամբ մի քանի անգամ կրակած կասկածյալը ոչնչացված է: Կրակոցների հետևանքով մահացել է հանդիսատեսներից մեկը, ևս երկուսը ծանր վնասվածքներ են ստացել: Պարզվել է, որ կրակողը 20 տարեկան Թոմաս Մեթյու Քրուքսն է եղել։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել