Արարատի հանդեպ թշնամանք սերմանող Նիկոլի ու նրա քաղաքական շահերը սպասարկող որոշ լածիրակների համար Ապրիլյան պատերազմի թեման վտանգավոր է դիտարկվում հատկապես Հայատանի վերածննդի վերաբերյալ ունեցած վախերի պատճառով: Ներկայիս Հայաստանը, որ կարելի է անվանել նախահեղափոխական Հայաստանի՝ իրական Հայաստանի անտիպոդ, հիմնվում է մեկ հիմնասյան վրա՝ ազգային թերարժեքության: ՔՊ-ական իշխանությունը հենց դա է սերմանում հայոց մեջ՝ կատարելով դարավոր թշնամիների պատվերը:
Իշխանությունների ու հաճախ իրենց իբր ընդդիմադիր համարողների, բայց տակից Հակոբյան Աննայի քաղաքական շահերը սպասարկողների համար դժվար չէ չհասկանալ, որ եթե Ապրիլյան պատերազմը չսևացնեն, դրանում մեր տարած հաղթանակն ու դիվանագիտական ձեռքբերումները չնսեմացնեն, ապա կարող է կատարվել իրենց համար ամենասարսափելին. վերածննդի գաղափարը հնարավոր չի լինի թաղել, քանզի 4-օրյայի հաղթանակը կարող է դառնալ այն ներշնչանքի աղբյուրը, որի օրինակով հայ ժողովուրդը կարող է ինք զինք վերագտնել: Ահա այդ վերածննդի հեռանկարն է, որ հանգիստ չի տալիս իշխանություններին ու պսևդոընդդիմադիրներին, որոնց կյանքի առաքելությունը Հայաստանը ողջ-ողջ հուղարկավորելն է, որ շարունակեն անխնա լափել:
Բայց հայ ժողովուրդը բազմիցս է ապացուցել, որ Հայաստանը պատմության գիրկն ուղարկելու ցանկությունը թշնամիների կողմից սեփական ուժերի գերագնահատման հետևանք է լոկ եղել: Հիմա էլ ոչինչ չի փոխվել, և եթե հայրենադավները կարծում են, թե կարողանալու են չեղարկել համազգային վերածնունդը՝ նսեմացնելով Ապրիլյանում մեր վաստակած հաղթանակը, ապա նշանակում է՝ ոչինչ չեն հասկացել, պատմոթյունից դասեր չեն քաղել:

Պատմություն կարդացե՞լ են, որ մի բան էլ դասեր քաղեն…
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել