Հավատացնելով, թե ՌԴ-ի հանդեպ ՔՊ-ական Հայաստանը բացարձակ անկեղծ է եղել ու դաշնակցային հարաբերություններին հավատարիմ՝ ՔՊ-ական «Փսիխը» պնդել է, թե երբ Հայաստանը եղել է վտանգված, ՀԱՊԿ-ը տվել է զրոյական արձագանք՝ մատը մատին չտալով:
Փաստորեն՝ Թորոսյան Արսենը նույնիսկ լուրեր չի կարդում, քանի որ եթե գոնե մեկ-մեկ լուրեր ընթերցեր, ապա կիմանար, որ ժամանակին ՀԱՊԿ-ն ընդունել էր Հայաստանին լիարժեք աջակցություն ցուցաբերելու վերաբերյալ ծրագիր, որին Նիկոլը հավանություն չտվեց՝ անակնկալ կերպով չեղարկելով Հայաստանին օգնելու հնարավորությունը: Ի դեպ՝ այս մասին բազմաթիվ անգամ ռուսական կողմն է խոսել՝ տարօրինակ համարելով Մոսկվայից իբր օգնություն ակնկալող Երևանի պահվածքը: Իսկ թե ինչու էին նման որոշոմ կայացրել, որոշ ՔՊ-ականներ բացատրում էին նրանով, որ չեն վստահել ՀԱՊԿ-ին, քանզի այդ կազմակերպությունն իրենց հետ անկեղծ չի գտնվել ու խուսափել է քաղաքական գնահատականից:հարց է առաջանում՝ քաղաքական գնահատականի կարևորությունը արդյոք չէի՞ն գերագահատում ՔՊ-ականները, եթե գետնի վրա ՀԱՊԿ-ը պատրաստ էր Հայատանին տալ այն ամենը, ինչի կարիքը մեր երկիրն ուներ:
Այսինքն՝ երբ Թորոսյան Արսենը հայտարարում է, թե ՀԱՊԿ-ի կողմից եղել է զրոյական արձագանք, նա ստորաբար ստում է՝ արդարացնելու իրենց ներկայիս վարքագիծը:
Իհարկե, ոչ ոք չի պնդում, թե ՀԱՊԿ-ը կամ ՌԴ-ն իդեալական դաշնաիցներ են, բայց քննադատությունը պետք է լինի օբյեկտիվ, մինչդեռ իշխանություններն այսօր զբաղված են իրենց դրսի տերերի պատվերների կատարմամբ՝ խնդիր ունենալով այդ փաստը քողարկել՝ պրոբլեմները փնտրելով սեփական քաղաքականութունից դուրս այն դեպքում, երբ ստեղծված իրավիճակի միակ ռեալ մեղավորներն են:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել