Hraparak.am-ը գրում է․
Ինչպես հայտնի է, իրավապահները ձերբակալել են Արցախի նախագահ Սամվել Շահրամանյանի թեկնազորի աշխատակից Աշոտ Դանիելյանին։ Նրան ձերբակալել են Մոսկովյան փողոցից քրեական ոստիկանության և պարեկային ծառայության աշխատակիցները՝ թմրանյութ պահելու և իրացնելու կասկածանքով:
Նախաձեռնվել է քրեական վարույթ։
Հիշեցնենք, որ երեկ «Եռաբլուր» զինվորական պանթեոնում միջադեպ էր տեղի ունեցել Սամվել Շահրամանյանի թիկնազորի աշխատակից Աշոտ Դանիելյանի և «24 news» կայքի օպերատորի միջև, ինչը մեծ աղմուկ էր բարձրացրել։
Ի վերջո, Արցախի տեղեկատվական շտաբը հայտարարություն տարածեց՝ հայցելով ներողամտությունը։ Այդուհանդերձ, իրավապահները ձերբակալել են Աշոտ Դանիելյանին, սակայն բոլորովին այլ վարույթով։ Այժմ Երևան քաղաքի ընդհանուր իրավասության քրեական և քաղաքացիական դատարանների Էրեբունու նստավայրի մոտ են հավաքվել նրա հարազատները, ընկերները, մի խումբ մարզիկներ:
«Աշոտ Դանիելյանը 5 երեխայի հայր է, զոհվածի որդի է, 44-օրյա պատերազմի մասնակից է: Նա չեմպիոն է, նա բազմաթիվ անգամ ծածանել է Հայաստանի Հանրապետության դրոշը: Նա իսկական հերոս է, ինչպես կարելի է այդպիսի տղայի ձեռքերը շղթայել»,- ասաց ակցիայի մասնակիցներից մի կին:
Ամբողջական հոդվածը կարող եք կարդալ այս հասցեով՝ : https://hraparak.am/post/9bce530a19d620a3051f98e57c9e5bfa
© 2008 - 2021 «Հրապարակ օրաթերթ»
