Արդյո՞ք ճիշտ եմ հասկանում, որ այսուհետ քրեական պատասխանատվության են ենթարկվելու կույսի հետ սեռական հարաբերություն ունեցած բոլոր տղամարդիկ

Քանի որ ես քրեական ուղղվածությամբ փաստաբան եմ, ուստի՝ այս անհեթեթ նախաձեռնությունից մի շարք հարցեր են առաջանում․

1) Կուսության ստուգման ձև է նաև սեռական հարաբերություն ունենալը կույսի հետ, քանի որ «ստուգել» նշանակում է պարզել որևէ բանի կամ հանգամանքի առկայությունը։

Արդյո՞ք ճիշտ եմ հասկանում, որ այսուհետ քրեական պատասխանատվության են ենթարկվելու կույսի հետ սեռական հարաբերություն ունեցած բոլոր տղամարդիկ։

2) Արդյո՞ք հանցանգործություն է համարվելու հարսանիքից հետո «Կարմիր խնձոր» տանելը։

3) Արդյո՞ք բժշկական մեթոդներով կուսաթաղանթի վերականգնումը համարվելու է հանցանքի պարտակում կամ հանցանք կատարած անձին աջակցել (քր․օր․ 474 հ․)

4) Ֆրիդրիխ Շիլլերը 1801 թվականին գրել է «Օռլեանի կույսը» ստեղծագործությունը։

Արդյո՞ք պետք է պարզել, թե ով էր ստուգել, որ հաստատապես գիտեր նրա կույս լինելը և ենթարկել քրեական պատասխանատվության։

5) Ների՛ր, ո՛վ կույս, որ հուզեցի

Խաղաղ կուրծքդ կուսական,

Մեղսոտ սրտով ես չուզեցի

Կործանել քո ապագան:

Այն մի անմեղ խաղ էր, հոգի՛ս,

Պատանեկան հասակի,

Որ անցնելով պատճառ դարձավ

Քո աչքերիդ արցունքի:

Հովհ․Թումանյան 1889թ․

Տեսնես Թումանյա՞նն էր ստուգել, թե՞ հարցրել էր ստուգողին․․․