Քերրի-Լավրով հանդիպումը ռուս-ամերիկյան լիակատար փոխըմբռնում չառաջացրեց, բայց որոշակի առաջընթաց արձանագրեց սիրիական քիմիական զենքը միջազգային վերահսկողության տակ դնելու գործընթացում:
Կողմերը պայմանավորվել են եւս մեկ հանդիպում անցկացնել սեպտեմբերի 28-ին, իսկ դա նշանակում է, որ առնվազն հետաձգվում է Սիրայում արտաքին ռազմական միջամտությունը:
Սա դրական է, սակայն, ցավոք, արաբական այդ երկրում պրոբլեմները մնում են:
Մասնավորապես.
- շարունակվում են արյունալի բախումները Ասադի ու ապստամբների կողմնակիցների միջեւ՝ յուրաքանչյուր օր խլելով տասնյակ մարդկանց կյանքեր,
- չկան երաշխիքներ, որ Ասադի ռեժիմը նորից չի դիմի քիմիական զենքի օգնությանը, իսկ ապստամբների ճամբարում չեն ուժեղանա իսլամական տրամադրությունները,
- սիրիական քիմիական զենքի նկատմամբ միջազգային վերահսկողության մեխանիզմները մշուշոտ են, որովհետեւ այդ երկրում անվերահսկելի վիճակ է եւ, ըստ միջազգային մամուլի, քիմիական զենքը սփռված է մոտ 50 օբյեկտներում:
