Կառավարության նիստում Նիկոլն է մեկնաբանել ՄԱԿ ԱԽ-ի՝ մեզ ոչինչ չտված նիստը, որի վերջնարդյունքում, ինչպես հայտնի է, այդպես էլ որոշում չընդունվեց: Հայտարարելով՝ այն, որ ՄԱԿ-ում արձանագրվեց Լաչինի միջանցքի փակ լինելը, միջազգային ատյանում բարձրացվեց հարցը, արդեն իսկ մեծագույն ձեռքբերում է, քանզի, բա չեք ասի, Բաքուն ցայսօր հերքում է միջանցքի փակ լինելը՝ Նիկոլը նաև ասել է.«Այժմ կարող ենք արձանագրել, որ միջազգային բարձրագույն ատյանում ճշմարտությունը Լաչինի միջանցքի ապօրինի արգելափակման և դրա հետևանքով Լեռնային Ղարաբաղում հաստատված հումանիտար ճգնաժամի վերաբերյալ բարձրաձայնված է։ Նաև միջազգային հանրության կողմից հավաքական կոչ է հնչել Ադրբեջանին վերացնել Լաչինի միջանցքի ապօրինի արգելափակումը»: Ըստ Նիկոլի՝ միջազգային հանրության խնդիրն է լինելու այսուհետ կենտրոնանալ այն ընկալման վրա, որ Լաչինի միջանցքի բացումը ցեղասպանության կանխարգելմանն ուղղված քայլ պետք է դիտարկել:

Ակնհայտ է, որ ՄԱԿ ԱԽ-ի՝ այդպես էլ չկայացված որոշումը «կանաչ լույս է վառելու» Իլհամի առջև, որի ԶԼՄ-ներն այլևս սկսել են եղանակի տեսության շրջանակներում մեկնաբանել նաև ՀՀ ողջ տարածքի եղանակային պայմանները՝ փոխելով բոլոր մարզերի ու տեղանունների անունները:

Իհարկե, հիմա կարելի է ՄԱԿ ԱԽ-ին ու գերտերություններին անխնա վարկաբեկել, քննադատել և այլն, բայց փաստն այն է, որ այն օրվանից, երբ Նիկոլն Արցախը հռչակեց՝ Ադրբեջան,Լ աչինն էլ՝ Բաքվի սուվերեն տերիտորիա, Արցախում առկա իրավիճակի համար թիվ մեկ պատասխանատուն դարձավ «Քաղաքացիական պայմանագիրը»: Նիոլը օբյեկտիվորեն զրկել է նույնիսկ ՀՀ դաշնակիցներին գործուն քայլեր իրականացնելու իրավունքից: Եթե Արցախի հարցը փակված է, և այն դարձել է ընդամենը «Ղարաբաղի տնտեսական գոտի», ապա Բաքվի պահանջ-առաջարկը՝ Աղդամի ճանապարհի վերաբերյալ,օտարի տեսանկյունից միանգամայն իրավաչափ է, իսկ սովամահությունն ու տառապանքը միջազգային հանրությունը դիտարկում է որպես ընդամենն արցախցիների կապրիզների հետևանք, որի համար պատախանատու են հենց իրենք՝ «կապրիզնի» ղարաբաղցիները: Սյամոն էլ է, չէ՞, նույն բանն ասում պարբերաբար: Դե ուրեմն՝ վերջ, բացի կոչերից այլ բանի հույս ունենալ պետք չէ ՄԱԿ-ից կամ ցանկացած այլ կառույցից ու միջազգային իրավունքի սուբյեկտից:

Ապագա կա ապագա…
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել