Աշխատանքի և աշխատավորների համերաշխության միջազգային օրվա առթիվ Նիկոլը մի ձևական ուղերձ է հղել, որում, մասնավորապես, համոզմունք է հայտնել, որ աշխատանքը և կրթությունն են մեր ունեցած բոլոր խնդիրների լուծման բանալին: «Աշխատանք՝ հիմնված գիտելիքի վրա և գիտելիք՝ ամրացած աշխատանքով ու փորձով. ահա այն սկզբունքը, որ արդիական ու մրցունակ պետք է դարձնի մեր տնտեսությունը, մեր բանակը, մեր դիվանագիտությունը, մեր կրթական համակարգը և ընդհանրապես՝ մեր պետությունը»,-մասնավոապես՝ ընդգծել է Նիկոլն իր ուղերձում:

«Հետաքրքիր» ուղերձ է ստացվել, համաձայն չե՞ք:Գիտելիքի կարևորության մասին խոսում է մի մարդ, որի թիմում դրա պակասը քրոնիկական է, խոսում է մի մարդ, որի թիմի մասնիկ Անդրեասյան Ժաննան հենց հիմա խորտակում է կրթությունը Հայաստանում՝այն չգիտես թե ինչ ստանդարտների համապատասխանեցնելով: Նիկոլը խոստովանում է Հայաստանի ներկայիս վիճակի իրական արմատները. եթե ՔՊ-ն լիներ ոչ թե տգետների, այլ խելացի մարդկանց հավաքատեղի, ապա այսօր Հայաստանը կունենար և՛ առաջնցիկ զարգացման տեմպեր (խոսքն իրական զարգացման մասին է), և՛ լավ դիվանագիտություն, ՊՆ նախարարն էլ Պապիկյան Սուրիկը չէր լինի, այլ կլիներ առնվազը ռազմական ակադեմիա ավարտած ու իր գործի գիտակ զինվորական: Մինդեռ նմաններին Սուրիկն այսօր դատում է՝ Հայաստանը թուրքին տալու տենչով:

Ստացվում է, որ Նիկոլի ու թիմի ամենօրյա աշխատանքը տգիտության հետևանքով վերածվում է ամենժամյա պետական դավաճանության. բա որ պետական դավաճան չլինեին, Հայաստանը պատերազմի մեջ կներքաշեի՞ն իրենց իշխանության պահպանման համար: Դեռ Նազարյան Լենան է, չէ՞, պատերազմից հետո չռված աչքերով հայտարարել, որ եթե զարգացումներն այլ ընթացք ունենային, իրենց դավաճան կասեին: Իսկ Նիկոլի հայտնի ելո՞ւյթը՝ ԱԺ-ում, երբ մարդը հայտարարեց, որ առանց պատերազմ էլ նույն արդյունքն էինք ունենալու…

Տգետների զոհն ենք դարձել՝ անլվա ու անթրաշ:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել