Ընդդիմադիր պատգամավորներից մեկի հարցին, թե ՊՆ-ն կիսո՞ւմ է այն տեսակետը, որ ՀԱՊԿ-ը հեռանում է Հայաստանից, կամ ՀԱՊԿ-ի այլընտրանքը այս պահին ո՞րն է, հարյուր հազարավոր դոլար արժեցող էլիտար տան տեր Պապիկյան Սուրիկը պատասխանել է՝ ասելով, որ չի ցանկանում քննարկել, թե ՀԱՊԿ-ի այլընտրանքը որը կարող է դառնալ: «Եթե հղում եք կատարում վարչապետի երեկվա ասուլիսին, ապա վարչապետը հնչեցրել է, որ Հայաստանը ոչ մի տեղից դուրս չի գալիս, եթե դուրս եկողներ կան՝ Հայաստանից են դուրս գալիս, դրանով մենք մտահոգ ենք»,-մասնավորապես՝ ասել է «մանուկներին վարժեցնող» Սուրիկը:

Սուրոյի «կռուտիտը» բացարձակապես չի ստացվել, քանի որ «Ո՞րն է ՀԱՊԿ-ի այլընտրանքը» հարցի սրությունն ու հրատապությունը չի մեղմանում նրանից, թե ՀԱՊԿ-ն է Հայաստանից դուրս գալիս, թե՝ Հայաստանը՝ ՀԱՊԿ-ից. երկու դեպքում էլ ունենալու ենք միևնույն արդյունքը,ու Հայաստանը դառնալու է որևիցե տեսակի անվտանգային բարձիկ չունեցող ինչ-որ անտեր պետություն: Իսկ որպեսզի դա տեղի չունենա, իշխանությունները պետք է մտածեն՝ ինչ անեն, որ ՀԱՊԿ-ը Հայաստանից դուրս չգա գոնե այնքան ժամանակ, քանի դեռ դրա հստակ այլըտնրանքը մեզ ոչ ոք չի առաջարկել:

Մյուս կողմից՝ հարց է առաջանում, թե ինչո՞ւ է ՀԱՊԿ-ի մոտ «Հայաստանից դուրս գալու» ցանկություն առաջացել այն էլ մի դեպքում,երբ փլուզվող աշխարհում գերտերությունները իրար «կոկորդ են կրծում» ազդեցության գոտիների համար: Եթե հաշվի ենք առում այն, որ ՀԱՊԿ-ը, ի տարբերություն Նիկոլի, կամիկաձե չէ, ապա հասկանալի է դառնում, թե իրականում ինչու է ՀԱՊԿ-ը Հայաստանից հիասթափվել. մարդիկ պարզապես չեն ցանկաում գործ ունենալ իրենց հակառակորդների ագենտների հետ՝շատ լավ գիտակցելով իրենց համար դրանից բխող գոյութենական վտանգի աստիճանը:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել