Ես իհարկե հասկանում եմ , որ մեր երկիրը սիրիական այս մեծ խաղում խաղացող չէ, ու գուցե մեր կարծիքի վրա թքած կունենան: Բայց համոզված եմ , որ պաշտոնական Երևանը պետք է գոնե կարծիք հնչեցնի Սիրիայի իրադարձությունների վերաբերյալ:  Ինչ - որ կերպ սատարի այն երկրին, որը տասնյակ տարիներ շարունակ պատսպարել է մեր ազգակիցներին, որի հայ համայնքը մեծագույններից մեկն է և ունեցել է լայն հնարավորություններ կառավարման ոլորտում, իսկ հայերենը ուսուցանվել է դպրոցներում: Վերջապես մի երկրի, որի հետ մեզ միշտ կապել են բարիդրացիական հարաբերությունները, ու ամենակարևորը, որի հետ պատերազմը կարող է շատ անդառնալի հետեւանքներ ունենալ Հայաստանի Հանրապետության համար: Խոսեք, մի լռեք` ձև անելով, թե դա մեր գործը չէ, և մեր ասածը անտեսվելու է, քանզի, ինչպես ասում է հին ասացվածքը, «մկան շեռն էլ է ջրաղացին օգուտ»:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել