Խոսելով Արցախի ու արցախցիների ապագայից՝ Աղազարյան Հովիկը բացահայտել է իրենց կամ անձամբ իր մտքում եղող այն ծայրահեղ լուծումը, որին կգնան այն դեպքում, եթե Ադրբեջանը «համը հանի»՝ չբախվելով միջազգային հանրության հակազդեցությանը: «Մենք վերջին լուծումն ունենք… Եթե ես զգամ, որ միջազգային կազմակերպությունները և Ռուսաստանը չեն որդեգրում էնպիսի դիրքորոշում, որ իմ ժողովուդն էնտեղ ապահով ապրի, ես իմ ժողովրդին կհանեմ-կբերեմ Հայաստան: Ես՝ Աղազարյան Հովիկս: Ես կդառնա՞մ 2 հոգի, 3 հոգի, 4 հոգի, 5 հոգի, էդ էլ ժամանակը ցույց կտա»,-ասել է ՔՊ-ական ամենահայտնի բեղավորներից մեկը՝ հավելելով, որ եթե արցախցիները որոշեն, որ Ադրբեջանի հետ պետք է պատերազմել, ապա անձամբ ինքը կլինի այնտեղ:

Աղազարյան Հովիկը բացահայտել է Արցախը հայաթափելու Ալիևի ու Նիկոլի համատեղ պլանը՝ այն, սակայն, քողարկելով «հայրենասիրությամբ»: Իսկ թե ում է կոնկրետ վատություն անելու Աղազարյան հովիկը՝ ձեռնարկելով Արցախի հայաթափումը հանուն արցախահայերի ֆիզիկական փրկության, այնքան էլ պարզ չէ, քանի որ եթե ՔՊ-ում ինչ-որ մեկին թվում է, թե աշխարհի գերհզորներն ու միջազգային կազմակերպությունները քնում-արթնանում են՝ մտքում ունենալով արցախահայության ճակատագրի հարցը, ապա այդ միամիտը չարաչար սխալվում է, քանի որ Արցախը հայկական պահելու հարցը հայկական պետության խնդիրն է:

Նիկոլը պատրաստվում է Արցախի նախիջևանացմանը՝ Արցախից ինչ-որ կերպ ազատվելու ու Ռուսաստանին տարածաշրջանից դուրս թողնելու համար: Այդ սցենարը Ալիևն ու Նիկոլն իրականացնում են՝ ձեռք ձեռքի տված, բայց այն տարբերությամբ, որ եթե Ալիևը որևիցե պարագայում կորցնելու բան չունի՝ անկախ այն բնաից, թե ՌԴ-ն կհեռանա՞ այստեղից, թե՞ ոչ, ապա մենք՝ հայերս, փաստացի հայրենիք ենք կորցնելու:

Բայց ո՞ւմ է դա հուզում…
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել