Hraparak.am-ը գրում է․

Ուկրաինայի նախագահ Վլադիմիր Զելենսկին հանդես է եկել հայտարարությամբ՝ Ռուսաստանի կողմից ԴԺՀ եւ ԼԺՀ անկախության ճանաչման ֆոնին։ Նա մասնավորապես ասել է, որ Ուկրաինան կողմնակից է խաղաղության, Ուկրաինայի միջազգայնորեն ճանաչված սահմանները կմնան ճիշտ նույնպիսին, չնայած Ռուսաստանի գործողություններին, Ռուսաստանի կողմից ԴԺՀ եւ ԼԺՀ անկախության ճանաչումը կարող է նշանակել, որ Ռուսաստանը դուրս է գալիս Մինսկյան համաձայնություններից։

Բացի այդ, Զելենսկին «Նորմանդական քառյակի» արտակարգ նիստ է նախաձեռնել եւ գանգատ ուղարկել ԵԱՀԿ։ Զելենսկին նաեւ ասել է, որ Ուկրաինան հույս ունի, որ իրավիճակը երկրում կկարգավորվի դիվանագիտական ճանապարհով։ Եւ ի վերջո, Զելենսկին ասել է, որ իրենք իրենց հողի վրա են, ոչնչից չեն վախենում եւ ոչ մեկին ոչինչ պարտք չեն։ Ինչպես նաեւ՝ ոչ մեկին ոչինչ չեն տա։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել