Անցել է մոտ ութ ամիս, բայց այդպես էլ Եվրոմիության խոստացած միլիարդները չկան

Անցյալ տարի Եվրոմիությունը հայտարարեց Հայաստանին 2,6 մլրդ դոլար հատկացնելու մասին։ Իշխանական քարոզչաաղբը հնարավոր բոլոր միջոցներով թմբկահարում էր Հայաստանի աննախադեպ «ժողովրդավարության», Նիկոլի «հերոսության» և«բարձր» հեղինակության մասին, որն էլ իբր պատճառ է հանդիսացել այդքան մեծ գումարներ բերելու համար, ինչի հետևանքով առաջիկայում Հայաստանը կծաղկի և համարյա դրախտից հինգ պակաս կդառնա։

Անցել է մոտ ութ ամիս, բայց այդպես էլ խոստացված միլիարդները չկան, ինչպես նաև չկա հստակ տեղեկություն, թե 2,6 մլրդ-ից որքա՞նն է վարկ և քանի՞ տոկոսով, իսկ որքանը` օգնություն։

Նիկոլենց աննախադեպության փուչիկը պայթեց, երբ երեկ նույն Եվրոմիությունը հայտարարեց Ադրբեջանին 2 մլրդ դոլար հատկացնելու մասին։ Ըստ նիկոլյան քարոզչաաղբի` ստացվում է Ադրբեջանն էլ է ժողովրդավարական երկիր, Ալիևը` հերոս և բարձր հեղինակություն ունեցող։

Իրականությունն, իհարկե, բոլորովին այլ է, ըստ որի էլ` և՛ Հայաստանի, և՛ Ադրբեջանի իշխանությունները վարձահատույց են լինում մատուցած և մատուցելիք ծառայությունների համար` Նիկոլը Արցախյան պատերազմի հետևանքների, Ալիևը` արևմուտքին գազ մատակարարելու։