Armenpress.am-ը գրում է․
«Թեհրիք ի Թալիբանի» («Պակիստանի թալիբների շարժման») պարագլուխները դեկտեմբերի 9-ին հրաժարվել են երկարաձգել Պակիստանի կառավարության հետ հրադադարի շուրջը համաձանագիրը:
Ինչպես դեկտեմբերի 10-ին հաղորդում Է Dawn թերթը, շարժման ղեկավարությունն իշխանություններին մեղադրել Է թալիբների հետ վեց կետից բաղկացած համաձայնությունները չկատարելու եւ զինյալների դեմ մարտական գործողությունները շարունակելու մեջ:
«Այդ պայմաններում հրադադարի շուջը համաձայնագրի երկարաձգումն անհնար Է»,- հայտարարել Է «Պակիստանի թալիբների շարժումը», տեղեկացնում Է «Արմենպրես»-ը:
Շարժման պարագլուխ մուֆտի Նուր Վալի Մահսուդը թալիբների կազմավորումներին հրման Է տվել վերսկսել մարտական գործողությունները Պակիստանի կառավարական զորքերի դեմ:
Նոյեմբերի 8-ին պաշտոնական Իսլամաբադը եւ «Պակիստանի թալիբների շարժումը» հրադադարի շուրջը համաձայնության Էին եկել մեկ ամիս ժամկետով:
Համաձայնությունը ձեռք Էր բերվել շարժման հետ բանակցությունների ընթացքում, որոնց անցկացման գործում օգնություն Է ցույց տվել «Թալիբան» արմատական շարժումը: Տեղական զանգվածային լրատվամիջոցների տվյալներով՝ Պակիստանի կառավարության եւ շարժման ներկայացուցիչները միջնորդների միջոցով վարել են առնվազն երեք փուլ բանացություններ. մեկը՝ Քաբուլում եւ երկուսը՝ Հոստում:
Բանակցություններում Պակիստանի իշխանությունների ներկայացուցիչները որպես անընդունելի մերժել են շարժման պահանջները երրորդ երկրում իր քաղաքական ներկայացուցչության բացման եւ Պակիստանում շարիաթի օրենքների գործողության սահմանման վերաբերյալ:
«Թեհրիք ի Թալիբան Պակիստան» ահաբեկչական խմբավորումը գործում Է հիմնականում երկրի հյուսիս - արեւմտյան տարածաշրջաններում եւ Աֆղանստանի հետ սահմանի երկայնությամբ: Դրա մասնակիցները հանդես են գալիս Պակիստանի կառավարության եւ երկրում իշխանության համակարգի դեմ, ձգտում են Պակիստանում ստեղծելու «իսկակական իսլամական պետություն», հաղորդել Է ՏԱՍՍ-ը: