Lurer.com-ը գրում է.
Հնդկաստանի Ուտար Պրադեշ նահանգում ընդդիմադիր Սամաջվադի կուսակցությունը «սոցիալիզմի բույրով» օծանելիք է թողարկել։ Այս մասին հայտնում է քաղաքական ուժի կայքը։
Այս բույրը ներառում է զաֆրանի և ճանդանի նոտաներ: Պատգամավորների կարծիքով՝ այս երկու բաղադրիչներն օգտագործելիս սոցիալիզմի հետ կապված կայուն ասոցիացիաներ են առաջացնում։
«Մեր սեփական բուրմունքը թողարկելու գաղափարը ծագեց ընտրողների ուշադրությունը մեր քարոզարշավի վրա գրավելու փորձի ժամանակ»,- նշել է կուսակցության առաջնորդ Ախիլեշ Յադավը, ում կարծիքով օծանելիքը, որին անվանել են «Սոցիալիզմի բուրմունք», մարմնավորում է իրենց քաղաքականության ոգին։ «Մարդիկ կսկսեն օգտագործել օծանելիքը և կզգան «սոցիալիզմի հոտը»,- ասել է նա։
Քաղաքական գործիչը վստահ է` դա վերջ կդնի ատելությանը 2022 թվականին:
Նշվում է, որ պարֆյումերները նոր բուրմունքի բաղադրատոմսը մշակել են չորս ամսվա ընթացքում։ Օծանելիքը պարունակում է 22 բաղադրիչ՝ վարդ, հասմիկ, ճանդան, զաֆրան և այլ տարրեր ամբողջ երկրից։ Կարմիր և կանաչ փաթեթավորման վրա տպված է կուսակցության տարբերանշանը, հեծանիվ, շարժման առաջնորդի լուսանկարը։ Կուսակցությունն իր անդամներին կոչ է արել հանդիպումներից առաջ ցանել այն իրենց վրա։
