Ֆրանսիական Նիցցա քաղաքը ներառվել է ՅՈւՆԵՍԿՕ-ի Համաշխարհային ժառանգության ցանկում, տեղեկացնում է «ՌԻԱ Նովոստի»-ն՝ հղում անելով քաղաքապետ Քրիստիան Էստրոզին:

«Նիցցան՝ մեր քաղաքը, որը մենք այնքան սիրում ենք, ներառվել է ՅՈւՆԵՍԿՕ-ի համաշխարհային ժառանգության ցանկում»,- հայտնել է քաղաքագլուխն իր թվիթերյան էջում:

Այս իրողությունն Էստրոզին անվանել է պատմական իրադարձություն, որը եզակի է քաղաքի համար:

Միավորված ազգերի մշակութային, կրթական և գիտական հարցերով կազմակերպության Համաշխարհային ժառանգության հանձնաժողովի նիստն ընթանում է առցանց ռեժիմով Չինաստանի Ֆուչժոու քաղաքում:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել