Հարգելի պատգամավորներ, որ ասում էիք` չբարձրացնեք անկլավների հարցը, դուք բան չունե՞ք ասելու, հայտարարելու

Նեղսրտում էին ու հարցնում` մենք մեր հետևից ե՞նք ընկել, Ադրբեջանին թեմա՞ ենք տալիս։ Թե բա պետք է փակել էդ թեման, վտանգավոր է այն բացելը։

Ինչ ասեմ, ես հանաձայնում էի, մի քիչ աշխարհագրություն գիտեմ` մեր կարևորագույն ճանապարհներն անցնում են էդ անկլավներով։ Առանց այն էլ հիմա Կապան գնում ենք արդեն իսկ Ադրբեջանի վերահսկողության տակ հայտնված ճանապարհով։ Անկլավների պարագայում, անգամ եթե Արծվաշենը մեզ տան, ապա մենք մեր երկրում պետք է հյուսիս ու հարավ գնալիս մտածենք` Ալիևն էդ օրն ի՞նչ տրամադրությամբ է արթնացել, կարո՞ղ է խնդիր ստեղծի։

Էսքանից հետո, իշխանությունն ամենաբարձր մակարդակով բացում է անկլավների հարցն ու ասում, որ դա պետք է որոշվի դեմարկացիայի համար ստեղծվելիք հանձնաժողովով։ Հիշո՞ւմ եք չէ էդ հանձնաժողովը պետք է ստեղծվի երեկ հրապարակած փաստաթղթով, որը վարչապետի խոսքով` <<100 տոկոսով համապատասխանում է Հայաստանի շահերին>>։

Հիմա, հարգելի պատգամավորներ, որ ասում էիք` չբարձրացնեք անկլավների հարցը, դուք բան չունե՞ք ասելու, հայտարարելու։