Shantnews.am-ը գրում է․
ՆԱՏՕ-ն 40 հազար զինծառայողներ և 15 հազար միավոր զենք և ռազմական տեխնիկա կկենտրոնացնի Ռուսաստանի սահմանների մոտ` հիմնականում Սևծովյան տարածաշրջանում և Բալթիկայում: Այս մասին երեքշաբթի օրը հայտարարել է ՌԴ ՊՆ նախարար Սերգեյ Շոյգուն:
Շոյգուն ասել է նաև,որ այժմ ամերիկյան զորքերը Հյուսիսային Ամերիկայի մայրցամաքային մասերից Ատլանտյան օվկիանոսով տեղափոխվում են Եվրոպա:
«Եվրոպայում կա զորքերի տեղաշարժ դեպի Ռուսաստանի սահմաններ: Հիմնական ուժերը կենտրոնացած են մերձսևծվյան և Բալթյան տարածաշրջաններում»,- նշել է նախարարը:
«Ամեն տարի Եվրոպայում դաշինքն իրականացնում է մինչև 40 հիմնական գործառնական վարժանքներ, որոնք ունեն հստակ հակառուսական ուղղվածություն: Այս տարվա գարնանը ՆԱՏՕ-ի միավորված զինված ուժերը սկսեցին վերջին 30 տարվա ընթացքում ամենազանգվածային Defender Europe 2021 զորավարժությունները»,- ընդգծել է Շոյգուն:
