Պակիստանի վարչապետ Իմրան Խանը վարակվել է կորոնավիրուսով:

Այս մասին այսօր հայտարարել է երկրի ազգային առողջապահության, կարգավորման և համակարգման հարցերով վարչապետի հատուկ օգնական Ֆեյսալ Սուլթանը:

«Վարչապետի կորոնավիրուսի թեստը դրական արդյունք է ցույց տվել, և նա մեկուսացել է տանը», - գրել է Սուլթանն իր թվիթերյան պաշտոնական էջում: 

Հիշեցնենք՝ Խանը մարտի 18-ին ստացել էր Sinopharm չինական հակակորոնավիրուսային պատվաստանյութի առաջին դեղաչափը:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել