Yerkir.am-ը գրում է.
Թուրքիան արդեն հավաքում է Bayraktar TB2 անօդաչու թռչող օդային համակարգերի խմբաքանակ Ուկրաինայի համար: Պատրաստումը տեղի է ունենում Ստամբուլում գտնվող Baykar Defense ինքնաթիռների գործարանում: Այս մասին Facebook-ում հայտնել է ուկրաինացի պատգամավոր Իգոր Կոպիտինը:
«Այսօր պաշտպանության փոխնախարար Օլեքսանդր Միրոնյուկի և Ուկրաինայի ռազմածովային ուժերի հրամանատար Օլեքսի Նեյժպապայի հետ Ստամբուլի Baykar Defense-ում հետևել ենք TB2 անօդաչու ինքնաթիռների արտադրությանը»,- գրել է պատգամավորը սոցիալական ցանցում:
Նա շեշտել է, որ թուրքական կողմը հավատարիմ է մնում ուկրաինական զինված ուժերի առջև ստանձնած պարտավորություններին:
«Այս եզակի հնարավորությունը կամրապնդի մեր պետության պաշտպանունակությունը, և, որ նույնքան կարևոր է, կընդլայնի երկու երկրների պաշտպանական արդյունաբերության ներկայությունը արտաքին շուկաներում»,- ավելացրել է Կոպիտինը:
