![](/static/news/b/2021/02/740313.jpg)
Ինչպե՞ս իմանալ, թե արդյոք ձերբակալված կամ մեղադրվող անձը ենթարկվում է քաղաքական հետապնդման: Նախ նշեմ, որ քաղաքական հետապնդումն ամենևին չի նշանակում, թե չպետք է գործ ունենանք քրեական օրենքի հետ: Առանց դրա քրեադատավարական հարկադրանք (կասկածյալ, ձերբակալում, մեղադրանք, կալանք և այլն...) չի կարող կիրառվել:
Քննարկենք մեկ օրինակ: Ընդդիմադիր հայացքներ ունեցող և իշխանությանը քննադատող քաղաքացի Ա.Բ.-ն պարբերաբար ֆեյսբուքում իր հրապարակումներով բռնություն գործադրելու հրապարակային կոչեր է անում: Այդ արարքի առթիվ ԱԱԾ-ում հարուցվում է քրեական գործ, որի շրջանակներում հատուկջոկատայիններն այցելում են քաղաքացի Ա.Բ.-ի բնակարան և վերջինիս ձերբակալում: Հետո մեղադրանք են առաջադրում և կատարում անհրաժեշտ քննչական գործողություններ:
Այդ նույն ժամանակահատվածում (նույնիսկ ավելի վաղ սկսելով) իշխանություններին պաշտպանող, ամեն օր իշխանահաճո գրառումներ կատարող քաղաքացի Ն.Փ.-ն նույնկերպ բռնություն գործադրելու հրապարակային կոչեր է անում: Սակայն որևէ իրավապահ մարմնում այս դեպքի առթիվ որևէ վարույթ չի հարուցվում, անգամ ձևական ուսումնասիրություն չի կատարվում, իսկ այդ քաղաքացին մնալով անպատիժ, վայելելով իշխանությունների սերն իր հանդեպ, շարունակում է ավելի լկտիանալ ու սկսում է ֆեյսբուքում անբարոյական գրառումներ կատարել ընդդիմադիր կին գործիչների հասցեին:
Հենց այս օրինակով հաստատվում է, որ քաղաքացի Ա.Բ.-ի նկատմամբ իրականացվում է բացահայտ քաղաքական հետապնդում: Առավել ևս, որ ԱԱԾ-ում նույնիսկ քննության ընթացքում որևէ կերպ չի հիմնավորվում, որ նշված քաղաքացին անձամբ կատարել է քրեորեն պատժելի արարք, քանի որ նրան մեղսագրվող արարքն իբր նա կատարել է կեղծ օգտահաշվի միջոցով: Մինչդեռ քաղաքացի Ն.Փ-ի դեպքում դա բացահայտ է, բռնություն գործադրելու հրապարակային կոչերը նա կատարել ու կատարում է հենց իր օգտահաշվով: Նույնիսկ՝ ուղիղ եթերում:
Ի դեպ, այս կանոնն իմ բացահայտումը կամ հայտնագործությունը չէ, այն տեղ է գտել միջազգային բազմաթիվ փաստաթղթերում:
Հասկանալու համար այդպես է արդյոք Արա Սաղաթելյանի, Կարեն Բեքարյանի, Նարեկ Մալյանի և այլ անձանց դեպքում, արդյոք նրանց նկատմամբ իրականացվողը հենց քաղաքական հետապնդում է, թե ոչ՝ բավարար է կարդալ սույն գրառմանը կցված նյութերը:
![May be an image of text](https://scontent.fevn2-1.fna.fbcdn.net/v/t1.0-9/153107790_1620610118148771_4991673105590792631_n.jpg?_nc_cat=107&ccb=3&_nc_sid=8bfeb9&_nc_ohc=_N8TzxLNccMAX89Iy6J&_nc_ht=scontent.fevn2-1.fna&oh=f0533b9b4e9204a1cca2c0c1cfedba78&oe=605A2360)
![May be an image of text](https://scontent.fevn2-1.fna.fbcdn.net/v/t1.0-9/153903293_1620610131482103_8734762806106116182_n.jpg?_nc_cat=102&ccb=3&_nc_sid=8bfeb9&_nc_ohc=KvMA_THaPGQAX9p_yRZ&_nc_ht=scontent.fevn2-1.fna&oh=a37a108525229d6d328f52f17ac791b0&oe=60587B6F)
![May be an image of text](https://scontent.fevn2-1.fna.fbcdn.net/v/t1.0-9/152552009_1620610214815428_2803079482395507451_n.jpg?_nc_cat=108&ccb=3&_nc_sid=8bfeb9&_nc_ohc=TLz0g8txdj4AX9-E2b9&_nc_ht=scontent.fevn2-1.fna&oh=a9a550952397c7dd4caa13b0c5d1315f&oe=6057ED2F)
![May be an image of text](https://scontent.fevn2-1.fna.fbcdn.net/v/t1.0-9/153210831_1620610181482098_6714265930880207590_n.jpg?_nc_cat=104&ccb=3&_nc_sid=8bfeb9&_nc_ohc=oWcafYBNEtYAX_Mu_6t&_nc_ht=scontent.fevn2-1.fna&oh=8c2a87334eecc706464e310b5a535949&oe=60580E65)
Նյութի աղբյուր՝ https://www.facebook.com/arsenbabayan.am/posts/1620610338148749
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել