Գրառման առաջին մասը կարող եք կարդալ այստեղ : Մինչ 1999 թվականը, Camel-ը կրկին շեշտը դնում էր արկածներ փնտրող ու ճամփորդող իմիջի վրա: Դա արտացոլվում է նաև նրա գովազդային արշավում: Իսկ ինչ վերաբերվում է այս ճամփորդողի իմիջին, ապա ես գրառման ամենավերջում կներկայացնեմ գաղափարի գովազդային արշավը: Հիմա շարունակում ենք.
Camel բրենդի համար իսկական հարված էր Marlboro-ի ռեբրենդինգը, որի արդյունքում այս ծխախոտն ունեցավ ամենահզոր մրցակիցը շուկայում: Եթե Camel-ն ասոցացվում էր որպես ճանապարհորդ, արկածներ փնտրող բրենդ, ապա Marlboro-ն ներկայացվեց որպես իսկական տղամարդկային ծխախոտ, որը լուրջ հարված էր առաջին հերթին բրենդի ընկալման տեսանկյունից: Camel-ի վիճակն իրականում այնպես է վատանում, որ այն գնում են ճապոնացիները:
Camel-ը 1999 թվականին գնում է Japan Tobacco International ընկերությունը: Japan Tobacco International (JTI) ընկերությունը համարվում է երրորդ ամենամեծ ծխախոտ արտադրող ընկերությունն աշխարհում: Camel բրենդը ձեռք բերելուց հետո, ընկերությունն այլևս նոր արկածներ չփնտրեց, այլ շեշտը դրեց մեկ րոպե վայելքի վրա: Որովհետև JTI-ում կարծում են, որ ժամանակակից Camel ծխողներն իսկապես ժամանակ չունեն նման արկածային գովազդներ դիտելու:
2000 թվականին JTI-ն կազմակերպում է ֆոկուս-խմբեր, որն ունենում է այսպիսի արդյունք` մարդկանց ճաշակը փոփոխվում է 20-25 տարին մեկ, ուստի բրենդի իմիջն արդեն սպառել է իրեն, հարկավոր է նոր փոփոխություններ: Այսինքն ավելի շատ դարը տանում է դեպի անհատ-ինդիվիդները, այլ ոչ թե խելակորույս արկածները, ուստի պետք է համապատասխանել դարի պահանջներին: Այսօր արկածներն արդեն կորցրել են իրենց իմաստը ժամանակակից մարդու համար, ով ավելի շատ դողում է իր ժամանակի վրա: JTI-ն որոշեց, որ ամեն ինչ պետք է սկսել գույնից և դեղին գույնը կամաց-կամաց վերափոխվեց նաև կապույտով: Ի տարբերություն Camel –ի, Marlboro-ի մարքեթոլոգներն այլ բան էին կարծում ու նրանք այդպես էլ չփոխեցին բրենդի ոչ մի տարր:
Camel-ը որոշեց անհանգիստ, արկածային բրենդին տալ ավելի լուրջ ու կայուն տեսք, ուստի ուղտը մնաց փաթեթավորման վրա, բայց գույները փոխվեցին, քանի որ հարկավոր էր ավելի հանգիստ ու էլեգանտ տեսք տալ փաթեթավորմանը: JTI-ի նպատակն էր ուղղակիորեն պահել հին հաճախորդներին և ներգրավել նորերին: Դիզայներները փոխեցին Camel բառը դեպի ավելի մուգ ու լուրջ գույնի, որը կխորհրդանշեր նրա թանկ բրենդ լինելը, ավելացրեցին Since 1913-ը` ցույց տալով բրենդի երկրարամյա պատմությունը, փոխեցին տարիների ընթացքում կիրառված Turkish & American Blend Cigarettes արտահայտությունը Generous flavour “հոյակապ համ” բառակապակցությամբ: Մնաց փաթեթավորման վրա պատկերված բուրգերից միայն մեկը: Ուղտի չափսերը զգալիորեն փոքրացավ:
Այս քայլերով JTI-ին փորձում էր ցույց տալ, որ ժամանակակից տղամարդու համար արդեն այդքան էլ կարևոր չեն արկածային վայրերն ու նման ապրումները, քանի որ նրանք ավելի շատ նախընտրում են մաքրություն, հարմարավետություն և ընտանեկան ջերմություն: Այս փոփոխություններն իսկապես իրենց արդյունքը տվեցին և երբեմնի մթագնած բրենդը կրկին սկսեց իր վաճառքներն ավելացնել, սակայն… Նա այդպես էլ չկարողացավ վերադարձնել իր դիրքերը, քանի որ Marlboro-ն իրականացրեց դեռևս գոյություն ունեցող ամենաուժեղ ազդեցիկ իմիջային քայլը տղամարդու համար` ազատ, ուժեղ, տղամարդկային կովբոյի կերպարը:
Հետևենք իրադարձություններին, թե ռեբրենդինգից հետո իրականում ինչ լուրջ հաջողություններ կունենա Camel-ը, բայց ակնհայտ է, որ Marlboro-ն դեռ անգերազանցելի է: Իսկ հիմա արշավների մասին: Բնական է, որ ճամփորդողի համար էական չէ տարվա եղանակը, մոլորակի երկրները, ժամանակը, նա միևնույնն է, այցելում է: Ահա տեսեք, թե մինչ ռեբրենդինգը ինչ հիանալի գովազդային արշավներ էր կազմակերպում ընկերությունը, որպեսզի ճամփորդության ասոցիացիաներն ավելի ընկալելի դառնան սպառողների կողմից`
