Ադրբեջանական ծրագիրը հստակ է և շատ ակնառու`օգտագործել իրենց գործակալի և նրա ռեժիմի իշխանության մնալու ամեն օրն ու ժամը` Հայաստանում առավել մեծ անկայունություն և պետության լիակատար փլուզում հարուցելու համար․ Հայկ Մարտիրոսյան

Ակնհայտ է, որ վրիժառուների խմբեր են ձևավորվում, որ մարդիկ լցվում են արյան ծարավով, որովհետև ականատես են դավաճանությանը, իսկ իրենց որդիների զոհաբերությունը պղծված է և պղծվում է ամեն օր։

Իրականում դավաճանների ռեժիմը, լինելով լիովին կոմպրոմատների և թշնամու առջև պարտավորությունների տակ կքած դավադրախումբ` չի կարող ոչինչ անել, չի կարող ոչ մի հարց դրականորեն լուծել։

Բաքվում սրանց ոչ միայն չեն հարգում, այլև գիտեն, որ սրանք անկարող են հատկապես Մինսկի խմբի մյուս համանախագահողների միջոցով և անգամ միջազգային հարթակներում հասնել իրենց վրա որոշակի ճնշման և այդ հանգամանքն օգտագործելով` առավել անարգել են շարունակում Հայաստանում սրանց անգործությամբ և հանցավոր իշխանակառչությամբ ներկիրը ներսից պայթեցնելու քաղաքականություն վարել։

Ակնհայտ է նաև, որ անգամ Մոսկվայի հետ հարաբերություններում Երևանի խունտան չի վայելում որևէ հարգանք, չունի խոսքի ոչ մի կշիռ` անգամ նոր գերեվարվողների խնդիրն արագ լուծելու և զոհվածների աճյունները կամ մասունքները վերադարձնելու համար։

Ակնհայտ և անհերքելի է այլևս նաև, որ Ադրբեջանը նորանոր գերիներ է վերցնում` դրանց նորանոր տարածքների հետ փոխանակելու համար, որովհետև դա առաջին հայացքից և արտաքինից իբրև թե լեգիտիմ պատրվակ է իրենց Հայաստանյան գործակալի համար` արդեն հետկապիտուլիացիոն փուլում անգամ հակառակ կապիտուլիացիայի փաստաթղթի` նոր տարածքներ հանձնելու համար։

Ասել ենք և կրկնում ենք. Ամեն, յուրաքանչյուր օր, որ իշխանություն զավթածն անցկացնում է երկրի ղեկին` ավելի ու ավելի է Հայաստանը մխրճում արդեն ընթացող կործանման պրոցեսի մեջ։

Ադրբեջանական ծրագիրը հստակ է և շատ ակնառու։ Օգտագործել իրենց գործակալի և նրա ռեժիմի իշխանության մնալու ամեն օրն ու ժամը` Հայաստանում առավել մեծ անկայունություն և պետության լիակատար փլուզում հարուցելու համար։

Եվ դա նրանց հաջողվում է։