Ուրացողի ձեռքով մի սև ու անդառնալի էջ է ավելացել մեր պատմության մեջ. Լիլիթ Գալստյան

Լռելու, հաշտվելու, մոռանալու իրավունք չունենք:

Ուրացողի ձեռքով մի սև ու անդառնալի էջ է ավելացել մեր պատմության մեջ:

Ռազմաճակատում սեփական արյամբ հող ու պետականություն պաշտպանող զինվորի թիկունքում ազգադավ համաձայնագիր է ստորագրվել՝ ունեզրկելով ու հայրենազրկելով հազարների:

Ցեղասպանությունն էլ ինչպե՞ս է լինում...

Տրոյական ձիու առջև բացել էինք մեր պետության դարպասները, իսկ նա եկել էր ջլատելու, թուլացնելու, բարոյազրկելու քեզ, նսեմացնելու քո հաղթանակներն ու քո հերոսներին, փոշիացնելու հաղթանակդ ու արժանապատվությունդ:

Հիմա դու մոլորված ես ու անտեր. դժվար է հավատալը, որ երեսուն արծաթով ծախվեց հայրենիքիդ ամենահպարտ հատվածը, այն վայրն, ուր 5-րդ դարում հայոց առաջին դպրոցն էր բացվել:

Գիտեմ, շատ-շատերիդ համար դժվար է խոստովանելը, սեփական սխալն ու մոլորությունն արձանագրելը, բայց փորձեք անկեղծ լինել, մեն-մենակ մնալ ձեր խղճի ու այլևս ակնթարթ դարձած հազարավոր հայ տղաների լուսավոր հայացքի հետ...

Նոյեմբերի 11-ին՝ ժամը 13:00-ին, Ազատության հրապարակում հրավիրում ենք հանրահավաքի: Ձեզ կներկայացնենք այս մղձավանջից ելքի մեր ճանապարհը: