Tert.am-ը գրում է.
Բրիտանական The Guardian պարբերականն անդրադարձել է երեկ` սեպտեմբերի 14-ին, Սոչիում Բելառուսի և Ռուսաստանի նախագահներ Ալեքսանդր Լուկաշենկոյի և Վլադիմիր Պուտինի երկարատև հանդիպմանը` այն բնորոշելով որպես որոշիչ այն հարցում, թե արդյոք Լուկաշենկոն կկարողանա հաղթահարել իր դեմ սկսված բողոքական շարժումը:
Պարբերականը նշում է, որ Պուտինը կարծես ժամանակ առ ժամանակ ձանձրացել է հանդիպման ժամանակ, երբ Լուկաշենկոն երկար մենախոսություն է սկսել: ՌԴ նախագահը հայտարարել է, որ Ռուսաստանը Բելառուսին 1,5 միլիարդ դոլարի վարկ կտրամադրի, որը Լուկաշենկոյին կարճաժամկետ հեռանկարում հնարավորություն կտա խուսափել տնտեսական ճգնաժամից:
Վերլուծաբանների կարծիքով՝ Պուտինը համակրանք չի տածում Լուկաշենկոյի նկատմամբ, չի վստահում նրան, սակայն միևնույն ժամանակ չի ցանկանում, որ փողոցային բողոքի ակցիաները մարտահրավեր նետեն Ռուսաստանին այդքան մոտ երկրի իշխանություններին:
Ամբողջական հոդվածը կարող եք կարդալ այստեղ:
