News.am-ը գրում է․

Տավուշում հուլիսի 14-ին ծանր վիրավորում ստանալուց հետո կյանքի համար մոտ 10-օրյա պայքար մղած եւ այսօր զինվորական հոսպիտալում մահացած 19-ամյա Արթուր Մուրադյանը Երեւանի Մալաթիա վարչական շրջանից էր, 6 ամսվա զինծառայող։

Արթուրի մանկության ընկերը NEWS.am-ին պատմեց, որ Արթուրը զինծառայություն էր անցնում ավագ եղբոր հետ նույն զորամասում, որը կզորացրվի օգոստոսին։ Բացի այդ, Արթուրը եւս մեկ եղբայր ունի՝ 3 տարեկան։ 

Հիշեցնենք, որ Արթուրը ծայրահեղ ծանր վիճակում էր, վիրավորվել էր հուլիսի 14-ին ՀՀ հյուսիսարեւելյան ուղղությամբ տեղակայված զորամասերից մեկի պահպանության տեղամասում։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել