ՄԱԿ գլխավոր ասամբլեայի 75-րդ նստաշրջանի նախագահի պաշտոնում թուրք ներկայացուցչի ընտրվելու փաստը մարտահրավերներ է ստեղծելու Հայաստանի և Արցախի համար։
Կասկած անգամ չկա, որ Վոլքան Բոզքիրը, ով Ադրբեջանում հայտնի է որպես ադրբեջանցիների շահերը առաջ տանող թուրք գործիչ պաշտոնը ստանձնելուց հետո, որը տեղի է ունենալու սեպտեմբերին, լայն հնարավորություններ է ունենալու այս կառույցում պրոթուրքական-պրոադրբեջանական տեսակետներին նպաստելու և հակահայկական գործունեությունն ավելի մեծ թափով շարունակելու համար։
Մեր ԱԳՆ-ն ու ՀՀ այլ համապատասխան ինստիտուտներն արդեն տևական ժամանակ է՝ տեղյակ են եղել թուրք ներկայացուցչի՝ այս պաշտոնում ընտրվելու մասին:
Հարց․ վերջիններս ունե՞ն արդյոք մշակված գործողությունների ծրագիր Թուրքիայի հակահայկական քայլերին այս հարթակում հակահարված տալու ուղղությամբ, թե՞ կրկին կարծում են, որ այս ամենում աննախադեպ ոչինչ չկա, ու այս պաշտոնը զուտ արարողակարգային է: