Pastinfo.am-ը գրում է․
ԱԺ «Իմ քայլը» խմբակցության պատգամավոր Ռուբեն Ռուբինյանը հայտարարել է, որ «Լուսավոր Հայաստան» խմբակցության ղեկավար Էդմոն Մարուքյանը համաճարակից հետո հիշվելու է որպես դիմակ չկրելու համար պայքարող անձ։
«Այն պայմաններում, որ Հայաստանում օրական կորոնավիրուսի մոտ 400 դեպք է գրանցվում, որ երեկ 6, այսօր 4 մահ է գրանցվել, այն պայմաններում, երբ պարետատունը, կառավարությունը, բոլոր այն մարդիկ, ովքեր ունեն լսարան՝ այն ծառայեցնելու դիմակ կրելու պրոպագանդային, իսկ Էդմոն Մարուքյանը եկել ԱԺ-ում կռվում է դիմակ չկրելու իրավունքի համար։ Սա խայտառակություն է, ուղղակի խայտառակություն է, սա անպատասխանատվության գագաթնակետն է»,-ԱԺ ամբիոնից ասաց Ռուբինյանը։
Նա ընդգծեց՝ սպասում է, որ վաղը Մարուքյանն ասուլիս է տալու ու ասի, որ դիմակ չկրելն օգտագործում են, որպեսզի լռեցնեն ընդդիմությանը։