Operativ.am-ը գրում է.

ԱՄՆ-ում գործազրկության մակարդակը կարող է վատթարանալ, Fox News հեռուստաալիքի եթերում հայտարարել է ԱՄՆ ֆինանսների նախարար Սթիվեն Մնուչինը։

Նախարարի խոսքով՝ գործազրկությունը կարող է հասնել 25 տոկոսի, ինչպես Մեծ Դեպրեսիայի ժամանակ։

«Ի տարբերություն Մեծ Դեպրեսիայի, որին հանգեցրել էին տնտեսական խնդիրները, մենք փակել ենք տնտեսությունը։ Թվերը, հավանաբար, կաճեն նախքան բարելավման մեկնարկը։ Ահա թե ինչու մենք կենտրոնացել ենք տնտեսությունը վերականգնելու վրա»,-նշել է ԱՄՆ ֆինանսների նախարարը։

Նրա խոսքով՝ գործազրկության «առավել խոշոր բաղադրիչը» զբոսաշրջության, մանրածախ առեւտրի եւ ժամանցի ոլորտներն են դարձել։

Ընդ որում՝ նա կանխատեսել է առավել դրական իրավիճակ ընթացիկ տարվա երրորդ եւ չորրորդ եռամսյակներում եւ «հիանալի տարի» 2021 թվականին։

Ըստ անցած շաբաթ հրապարակված տվյալների՝ ԱՄՆ-ում գործազրկության մակարդակը կազմել է 14.7 տոկոս։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել