Operativ.am-ը գրում է.

Սաուդյան Արաբիան միանգամից 15 լցանավ է ուղարկել արտահանման՝ բեռնավորված 18.8 մլն բարել նավթով: ТАСС գործակալության փոխանցմամբ՝ այս մասին հայտնել է Saudi Aramco պետական նավթային ընկերությունը:

«Քանի որ աշխարհը տնտեսական կայունացման կարիք ունի, Aramco-ն իր հավատարմությունն է ցուցաբերում աշխարհն էներգիայով ապահովելու հարցում»,- ասվում է ընկերության հայտարարության մեջ:

Ընկերությունը չի նշում, թե որ շուկաներն է ուղարկել նավթը և երբ պետք է այն տեղ հասնի:

Գործակալության աղբյուրը հայտնել է, որ թագավորությունում նավթի օրական արդյունահանումն արդեն գերազանցել է 12 մլն բարելը, որն ընկերության առավելագույն հզորությունն է:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել