1in.am-ը գրում է․

ԱՄՆ նախագահ Դոնալդ Թրամփը հայտարարել է, որ Ռուսաստանը, ԱՄՆ-ը և Սաուդյան Արաբիան նավթի համաշխարհային շուկայում առկա իրավիճակից դուրս գալու համատեղ ելքեր են որոնելու, հայտնում է ՏԱՍՍ-ը:

«Մենք բոլորս միասին կհավաքվենք և կտեսնենք, թե ինչ կարող ենք անել», – ասել է ԱՄՆ առաջնորդը:

Նա նշել է, որ ինքը չի պատրաստվում կորցնել ողջ արդյունաբերությունը և հազարավոր աշխատատեղեր նավթի շուկայում առկա ճգնաժամի պատճառով:

Շուկայում տատանումները սկսվել են մարտի 6-ին, երբ ՕՊԵԿ + ժողովի մասնակիցները չկարողացան համաձայնության հասնել: Ռուսաստանը չի համաձայնել 2020-ի երկրորդ եռամսյակում նավթի արդյունահանումը 1.5 միլիոն բ / վ-ի հետագա կրճատման առաջարկությանը: Գործարքի ձախողումից հետո նավթի գները նվազել են 30% -ով:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել