Ամերիկացի դերասանուհի Դեբի Մեյզարը, որը վարակվել է կորոնավիրուսով, նկարագրել է իր ախտանիշները: Նա այս թեմայի վերաբերյալ գրառում է հրապարակել Instagram-ի իր էջում:
«Ընկերները» ֆիլմի դերասանուհին պատմել է, որ մարտի 22-ին է տեղեկացել COVID-19- ի թեստի դրական պատասխանի մասին: «Մոտ մեկ ամիս առաջ իմ ամբողջ ընտանիքը (ամուսին և երկու դուստր) սկսեց տարօրինակ զգալ՝ ջերմություն, գլխացավ, կոկորդի ցավ և չոր հազը: Այն շատ արագ անցավ, և ես ամեն ինչ վերագրեցի սեզոնային հիվանդությանը», – գրել է նա:
Ըստ նրա՝ մարտի 15-ին ինքը արթնացել է նման ախտանիշներով, որոնց պատճառով ջերմություն և ուժեղ ցավ է զգացել: Մեյզարը կապ է հաստատել բուժող բժշկի հետ, որը ասել է, որ չի կարող վիրուսի առկայության համար թեստավորվել, քանի որ դերասանուհին վարակված մարդկանց հետ կապ չի ունեցել և չի այցելել այլ երկրներ: Ավելի ուշ դերասանուհուն հաջողվել է գտնել թեստ, որը ցույց է տվել դրական արդյունք:
«Ես կարող եմ շնչել, և ես մտադիր եմ բուժվել այստեղ՝ իմ սեփական տանը: Իմ ընտանիքը 14 օր է, ինչ կարանտինացված է, բայց նրանք ախտանիշներ չունեն: Մտածեք, որ մենք բոլորս արդեն ունենք կորոնավիրուս: Ո՞վ գիտի: Մնացեք տանը ամեն դեպքում: Պաշտպանեք ինքներդ ձեզ և ձեր սիրելիներին», – գրել է նա:
