Armtimes.com-ը գրում է․
ՀՀ Սահմանադրական դատարանի նախագահ Հրայր Թովմասյանի հայցն ընդդեմ վարչապետ Նիկոլ Փաշինյանի վարույթ է ընդունվել:
Հայցը վարույթ ընդունելու մասին որոշումը ընդունվել է երեկ Երեւան քաղաքի ընդհանուր իրավասության դատարանի դատավոր Գայանե Խաչատրյանի կողմից:
Հիշեցնենք, որ Թովմասյանը փետրվարի 21-ին հայցադիմում էր ներկայացրել վարչապետի դեմ՝ պահանջելով ներողություն խնդրել վիրավորանք հանդիսացող արտահայտությունների համար եւ հերքել զրպարտություն հանդիսացող տեղեկությունները:
Հայցի պատճառը վարչապետ Նիկոլ Փաշինյանի Կապանում տեղի ունեցած ասուլիսի ժամանակ արված այն հայտարարությունն էր, որ ՍԴ նախագահ Հրայր Թովմասյանն առաջարկել է իր ծառայությունները գործող իշխանություններին:
Ի պատասխան՝ Թովմասյանը հայտարարել էր, որ եթե վարչապետն արժանահավատ փաստ չներկայացնի, որ ինքն իր ծառայություններն է առաջարկել իշխանությանը, զրպարտության վերաբերյալ հայցով դիմելու է դատարան:
Ամբողջական հոդվածը կարող եք կարդալ այստեղ
