Armeniasputnik.am-ը գրում է.
ՀՀ ոստիկանապետի պաշտոնակատար Արման Սարգսյանը «Իմ քայլը» խմբակցության անդամների հետ հանդիպումից հետո լրագրողներին հայտնեց, որ հանդիպման ժամանակ ոստիկանության և Ազգային անվտանգության ծառայության տնօրենների նշանակման հարցը չի քննարկվել։
«Մեր պաշտոնի վերաբերյալ քննարկման կարիք չկա, քանի որ վարչապետն ասել է, որ ԺՊ–ի համար կա պաշտոնավարման ժամկետ` վեց ամիս։ Ես իմ պարտականությունները կատարելու եմ մինչև վերջին պահը, կատարելու եմ բարձր պատասխանատվությամբ»,–ասաց ոստիկանապետի պաշտոնակատարը։
Նշենք, որ Սարգսյանը ոստիկանապետի ժամանակավոր պաշտոնակատար էր նշանակվել 2019-ի սեպտեմբերի 19–ին. դրանից մեկ օր առաջ ՀՀ նախագահի հրամանագրով Վալերիյ Օսիպյանն ազատվել էր ՀՀ ոստիկանության պետի պաշտոնից: Սեպտեմբերի 19–ին էլ Էդուարդ Մարտիրոսյանը նշանակվել է Ազգային անվտանգության ծառայության տնօրենի ԺՊ։
Հիշեցնենք, որ հունվարի 25–ին իր մամուլի ասուլիսի ժամանակ ՀՀ վարչապետ Նիկոլ Փաշինյանն ասել էր, որ երբ ԱԱԾ տնօրենի և ոստիկանապետի ԺՊ է նշանակել, արդեն իսկ կայացրել է իր որոշումը. այժմ կողմնորոշվելու հերթը նրանցն է։