Universal Pictures-ը Ցանցում նոր կադրեր է զետեղել Ջեյմս Բոնդի դերում Դենիել Քրեյգի մասնակցությամբ «Մեռնելու ժամանակը չէ» ֆիլմի նկարահանումներից: Այդ մասին հայտնել է Entertainment Weekly-ն:

Նշանավոր գործակալի մասին թվով 25-րդ ֆիլմի ռեժիսորը դարձել է Քերի Ֆուկանագան, որին նույնպես կարելի է տեսնել լուսանկարներում: Բացի ռեժիսորից եւ գլխավոր դերակատարից, հրապարակված կադրերում են՝ Լեա Սեյդուն, Լաշանա Լինչը, Ջեֆրի Ռայթը, Նաոմի Հարիսը, Ռորի Քինները եւ Ռամի Մալեքը: Վերջինս Ֆուկանագայի հետ խոսում է կրկնանկարահանումների ընդմիջմանը: Անա դե Արմասը, որը խաղում է Բոնդի նոր ընկերուհու դերը, եւ Քրիստոֆ Վալցը, որը վերադարձել է Բլոֆելդի դերին, նկարահանումներում ցուցադրված չեն, հաղորդել է ՌԻԱ Նովոստին:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել